Diocesan Emmaus Journey

May 14, 2013

Dear Reverend Monsignori/Fathers:

Peace!

The Commission on Worship is sending you and your parish the following materials needed for the launching of our DIOCESAN EMMAUS JOURNEY:

1. Diocesan Emmaus Journey prayer (in English and in bikol)
2. Rite for the celebration of the Solemnity of the Pentecost with commentaries on the readings (in bikol)
3. Prayers of the Faithful (in bikol)

Please find the said documents attached a/s.  Thank you.

Very respectfully,

Fr. Renee Pinero

Commission on Worship

SOME LITURGICAL NOTES AND CONSIDERATIONS

FOR THE

LAUNCHING OF

THE

DIOCESAN EMMAUS JOURNEY

ENGLISH FORMULA

DIOCESAN EMMAUS JOURNEY PRAYER

We thank you Lord,

for the blessing of your WORD,

incarnated in the mission for which you sent us;

relived and renewed in the vision by which

we put our hopes and aspirations

as a pilgrim church.

O God, we place our trust and confidence

in you that as we journey along

we will be able to discern your will,

know the truth of your design,

understand our being church

as you rightfully deemed for us.

May our local church,

the diocese of Sorsogon,

walk with you in spirit and in truth

as she starts the journey of revisiting

her diocesan vision.

May the walk to Emmaus,

as the disciples did, open the way for us

to recognize you in all the events of our life especially

in the celebration of the Holy Eucharist.

Guide us, O Lord, and send your holy spirit

to dwell in us and make our hearts always

burn with enduring love, resilient faith, and unwavering hope.

Be with us in this journey of faith, make us humble

in obedience to your will, docile in listening to your word,

and renew within us the spirit of sacrifice

as we render service and work in your vineyard

for your greater glory and honor.

May the blessed virgin Mary, our Mother,

open her arms for us to find the joy of her intercession

and surrender in her all our hopes and aspirations.

Amen.

BIKOL FORMULA

PAMIBI PARA SA DIOCESAN EMMAUS JOURNEY

Nagpapasalamat kami, Kagurangnan,

sa bendisyon kan saimong tataramon,

na nanitawo sa misyon na itinao mo samo;

na isinabuhay asin binago kan pangaturugan na

kun saen binugtak mi an samong paglaom asin

kamawotan bilang simbahan na nagbabaklay.

O Dios, itinitiwala asin ipinapaubaya niamo

saimo, na sa samong pagbaklay,

mapaghorop-horopan mi an boot mo,

maaraman an katotoohan kan saimong plano,

masabotan an samuyang pagiging simbahan

sosog sa kamawotan mo para samo.

Lugod an local na simbahan,

an diosesis kan Sorsogon,

maglakaw sa kaibahan mo sa espiritu asin katotoohan,

sa pagpoon kan pagbaklay sa pagriparo

kan saiyang pangaturugan.

Lugod sa paglakaw na ini pasiring sa Emmaus,

arog kan ginibo kan mga disipulos,

mabukasan para samuya an dalan tanganing

mamidbidan mi ika sa gabos asin sa bilog niamong pagkabuhay,

orog na sa selebrasyon kan banal na eukaristia.

Giyahan mo kami Kagurangnan asin ipadara mo an saimong banal na espiritu

na magerok samuya asin palaada an samong puso

sa danay na pagkamoot, makusog na pagtubod, asin masarig na paglaom.

Ibanhan mo kami sa pagbaklay sa pagtubod,

giboha kaming mapakumbaba sa pagsunod sa saimong kabotan,

mahuyo sa paghinanyog sa saimong tataramon,

asin bagoha sa samo an espiritu nin pagsakripisyo

na an samong paglingkod asin pagtrabaho sa saimong ubasan

magin para sa saimong kaomawan asin kamurawayan.

Lugod an banal na birhen Maria, samuyang Ina,

bukasan an saiyang mga kamot na makamtam niamo

an kagaya-gayahan kan saiyang mga pamibi

asin idusay sa saiya an gabos niamong paglaom asin kamawotan.

Amen.

MGA PAMIBI NA GAGAMITON HALE SA ROMAN MISSAL

An Roman Missal igwa nin partikolar na pamibi para sa solemnidad kan Pentecostes na iyo man an mga pamibi na gagamiton para sa partikolar na selebrasyon kan satuyang diocesis sa Mayo 19, 2013 - an launching kan Diocesan Emmaus Journey.

Antifona sa Paglaog Rom 5:5 cf. 8:11

An pagkamoot nin Dios nakasagom sa satong mga puso huli kan pag-erok kan saiyang Espiritu sato, alleluia.

Colecta

O Dios, na nagpapabanal kan bilog mong Simbahan

sa lambang banwaan asin nacion huli kan Sakramento

kan kafiestahan ngonian na aldaw,

paboloson mo an mga balaog kan Espiritu Santo

sa bilog na kahiwasan kan kinaban, asin,

sa pagpoon kan pahulit kan marhay na bareta sainda,

an nahaman kan diosnon na gracia

magpano siring man sa mga puso nin mga paratubod ngonian. 

Huli ko Jesu Cristong Kagurangnan niamo, saimong Aki,

na kaiba mong nabubuhay asin naghahade,

sa pagkasaro kan Espiritu Santo, Dios,

sa gabos na kapanahonan kan mga panahon.

Pamibi sa mga Dolot

Kagurangnan,

namimibi kami, itugot mo,

na susog sa panuga kan saimong Aki,

an Espiritu Santo bulanos na magpahayag samo

kan misterio kaning sacrificio, asin maninigong magboyagyag

kan gabos na katotoohan.

Huli ki Cristo samong Kagurangnan.

Amen.

Prefacio

P : An Kagurangnan mapasaindo.

B : Asin sa saimong espiritu.

P : Iitaas an mga puso.

B : Initaas mi na sa Kagurangnan.

P : Magpasalamat kita sa Kagurangnan satuyang Dios.

B : Maninigo asin dapat.

Totoong maninigo asin dapat,

matanos asin nakakaligtas, na danay asin minsan saen

magpasalamat kami saimo: Kagurangnan, banal na Ama,

Dios na makakamhan na daing kasagkoran

huli ko Cristo samong Kagurangnan.

Ta ika, na nagtatapos kan Sacramento pascual,

nagwaras kan Espiritu Santo ngonian na aldaw sa sainda,

na ginibo mong magin mga aki sa pag-ampon

huli kan pakisumaro sa Bogtong mong Aki;

Siya, an kapinonan kan namumundag na Simbahan,

nagtaltag kan diosnon na pakasabot sa gabos na banwaan,

asin nagsaro kan manlaen-laen na mga tataramon

sa pagpahayag kan sarong pagtubod.

Kaya, sa labi-labing kaogmahan kan Pascua, nag-oogma an gabos sa bilog na kinaban.  Kaya an mga langitnon na virtudes asin an mga angeles na potestades, nag-aawit kan himno kan saimong kamurawayan, daing tapos na nagsasabi:

BANAL, BANAL, BANAL…

Antifona sa Comunion Ac 2:4-11

An gabos napano kan Espiritu Santo, nagtatararam kan mga darakulang gibo kan Dios, alleluia.

Pamibi Pakacomunion

O Dios,

na nagwaras sa saimong Simbahan

kan mga langitnon na balaog,

atamana an gracia na saimong winaras,

tanganing danay na magkusog an pinabulos na balaog

kan Espiritu Santo, asin an kakanon nin kalag magpatalubo

kan pagtubos sagkod pa man. Huli ki Cristo samong Kagurangnan.

Amen.

KOMENTARYO NA GAGAMITON HALE SA COMMISSION ON WORSHIP

Introduksiyon

Mga tugan, ngonian na Domingo nin Pentecostes, satuyang ipinagsecelebrar an paghilig kan Espiritu Santo sa mga apostoles asin ko Virgen Maria.  An pag-ako kan dakulang balaog nin kusog-boot na orog na kinakaipuhan sa pag-otob kan misyon kan Simbahan.  Ipinagsecelebrar niato sa Eukaristia an pagkamundag man kan Simbahan na iyo an mapadagos kan misyon nin kaligtasan na pinonan ni Jesus.

Sa celebracion man na ini, maogma niatong susugon an satong pinagralakawan bilang sarong parokya asin bilang sarong diocesis parising sa kamawotan na maabot an pangaturugan sosog sa agyat kan Diocesan Ecclesial Evangelization Program.

An misang ini pangengenotan ni _____________________________________.

Enot na babasahon

An enot na babasahon nagpapahayag manonongod kan mga apostoles na napano kan Espiritu Santo.  Paka-akoa kan Espiritu Santo, nagpoon na sinda sa pagbalangibog kan mga katokduan kan Kagurangnan.  Hinanyogon po niato an enot na babasahon na hale sa mga Gibo kan Apostoles kapitolo 2, versikulo 1 sagkod 11.

Salmo Responsorio

Kagurangnan, isubol mo an saimong Espiritu asin mababago an kinaban.

Ikaduwang babasahon

An ikaduwang babasahon iyo an manonongod kan manlaen-laen na balaog na gikan sa Espiritu.  Igwa nin kadakul na mga balaog alagad iyo man ini an nagsasaro satuya ki Cristo.  Hinanyogon po niato an ikaduwang babasahon na hale sa enot na surat ni Pablo sa mga taga-Corinto, kapitulo 12 versikulo 3 sagkod 7, asin 12 sagkod 13.

Evangelyo

An evangelyo minapasabot satuya kan pagpahiling ni Cristo, na nabuhay liwat, sa saiyang mga apostoles.  Itinao sa sainda an Espiritu Santo na iyo an maantabay sa saindang pagpadagos kan misyon kan kagurangnan.  Matindog po kita gabos asin irokyaw ta an marhay na bareta na sinurat ni Juan kapitulo 20, versikulo 19 sagkod 23.

Pagrokyaw

Madya, O Espiritu Santo, panoa an puso kan saimong mga devoto; papaglaada sa sainda an init nin saimong pagkamoot.

Pamibi nin Banwaan

Mamibi kita na an Espiritu Santo, mag-erok asin magdanay sa sato asin sa bilog na Simbahan tanganing magsarabay kita gabos sa pagsosog kan satong pinagralakawan sa pag-otob kan pangaturugan kan satong parokya asin diocesis bilang banwaan nin Dios.  Sa lambing kahagadan, an satong simbag:

KAGURANGNAN, PADARAHAN SAMO AN SAIMONG ESPIRITU.

1. Para sa satuyang Simbahan sa pamamayo kan satuyang Santo Papa si Francisco, an gabos na mga Obispo asin kapadain, tanganing sa tabang kan Espiritu Santo, magkaigwa sinda nin kusog nin boot na ibalangibog an Marhay na Bareta sa gabos na katawohan sosog sa ipinagboot ni Jesu Cristo. Mamibi kita sa Kagurangnan.
2. Para sa gabos na mga bagong opisyales sa banwaan tanganing sa pasabong kan Espiritu Santo, mamidbidan ninda na an karahayan nin kagabsan iyo an saindang dapat atamanon asin ihiras sa lambing saro na dulot kan Banal na Espiritu. Mamibi kita sa Kagurangnan.
3. Para satuya gabos na maghade sa puso niato an Espiritu ni Cristo na iyo an matao nin kusog asin mapalaad kan satong puso sa pagmawot na ipadagos an pagbaklay pasiring sa pagotob kan pangaturugan kan diocesis. Mamibi kita sa Kagurangnan.
4. Para sa gabos na tawo sa kinaban tanganing magkaboronyog asin magkaminorootan sinda huli sa kapangyarihan kan Espiritu Santo sagkod na an gabos magin banwaan na may pagtubod asin nabubuhay sa pagkamoot. Mamibi kita sa Kagurangnan.
5. Para sa gabos na mga magurang, na iyo an mga harigi kan mga pamilya, tanganing panoon sinda nin grasya nin pagkatakot sa Dios asin kusog nin boot sa pag-antabay sa saindnag kaakian na susugon an matanos na dalan sa buhay. Mamibi kita sa Kagurangnan.
6. Para sa mga tugang niatong naghehelang asin naghihingagdan, paomayan logod sinda kan Banal na Espiritu tanganing magin makusog an pagtubod ninda sa Kagurangnan na nagtatao nin buhay na daing kasagkoran.  Mamibi kita  sa Kagurangnan.

Dios Ama sa langit, hinanyoga an pamibi kan saimong banwaan na uya nagtitiripon sa pag-omaw kan saimong ngaran.  Pahiliga sa samuya an saimong Banal na Espiritu tanganing mabag-o kami siring sa nagin pagbabag-o kan saimong mga disipulos na nagbaklay pasiring sa Emmaus.  Huli ki Cristo na samong Kagurangnan. Amen.