Ikaduwang Domingo kan Cuaresma (Transfiguracion del Senor)

Ikaduwang Domingo kan Cuaresma (Transfiguracion del Senor)

Kun hilingon ta asin observaran an situacion kan satuyang sociedad ngonian, saro sa mga bagay na puede niatong mahalata iyo na an sociedad ngonian bagan gusto na kita mga mediocre sana.  Bagan contra kan sociedad ta ngonian an excellence.  Bagan bawal ngonian an holiness, an virtues, an godliness.  Sinasabi kan sociedad ta ngonian na ok lang daa kun arog ka na kaiyan total tawo ka man lang.  Ok lang daa kun arog ka kaiyan total sisay man an dai nasasala, tawo lang.  Ok lang daa kun may mga vicio ka asin nagkukulang ka sa saimong sadiri, sa familia mo, asin sa Dios, total tawo ka lang.  Arog ka na kaiyan.  Tawo ka lang.  Pasencia na.

Arog ba kaiyan an katukdoan satuya na mga Cristiano Catolico ni Cristo asin kan satuyang Inang Simbahan?  Ok lang po ba satuya na mga Cristiano an mediocrity?  Ok lang p oba satuya na mga tagasunod ni Cristo magkasala total tawo lang?  Sa Enot na Babasahon, Genesis capitulo 15, an promesa ni Yahweh ki Abram, iyo na gigibohon siyang Abraham, ama kan gabos na nacion.  Gigibohon siya na ama kan kadakul-dakul na kaakian.  Gigibohon siya dakula sa mata kan tawo asin kan Dios, mas pa que Abram, siya si Abraham.  Sa Ikaduwang Babasahon, Surat ni San Pablo sa mga taga-Filipos, kita daa i-co-conformar kan Dios sa Saiya mismo.  Bako sa mga gapo, ni sa mga puno, ni sa mga hayop, kundi Saiya mismo.  Kitang mga tawo gigibohon Niyang arog sa Saiya, Dios.  Sa Evangelio susog ki san Lucas capitulo 9, sa historia kan Transfiguracion kan satuyang Kagurangnan, namate ta na an gubing ni Jesus nagin mas maputi pa.  Nagpapakilala ngonian si Jesus tawo bilang Jesus Dios.  Más pa Siya que sa tawo, siya tawo asin Dios.

            Mga tugang sa pagtubod, kita na mga Cristiano Católico, mga tagasunod ni Cristo, iyo po ini an saro sa mga pinakadakula na mensaje kan Cristianismo bako lang satuya kundi man sa bilog na mundo.  Kita bako lang mga bato, bako lang mga puno, bako lang mga hayop, kundi mga tawo na puedeng sabihon daing límite an satuyang puedeng maabot.  Sabi ngani sa Salmo 8 kita ginigibo kan Dios más pa que sa mga ángeles.  Halos mga dios na, iyo ini an dignidad na itinatao satuya kan Kagurangnan.  Siya Dios satuyang Ama, kita na mga tawo, mga aki Niya.  Más pa kit asa mga bato, sa mga puno, sa mga hayop.  Kita puedeng puede asin tinatawag na magin excellent, na magin holy, na magin virtuous, na magin godly.  Hindi puede ang puede na.  Kun kaya pa sige lang.  Kun kaya an 100 anano kay ma-contento kit asa 90 sana.  Kun kaya an lima, anano kay saro sana.  Ika nga, aim high, reach for the stars.

            Lugod ngonian na Domingo, ngonian na Cuaresmo 2013 magmawot kita ki más pa para sa satong buhay, lalo na sa buhay espiritual.  Siring ki Abraham tinatawag kita ngonian kan Dios sa Saiyang misión, ibalangibog sa bilog na mundo na kita mga aki kan Dios, an Dios an satuyang Ama.  Siring ki san Pablo kita más pa sa bilog na kinaban ta kita i-kino-conformar kan Dios sa Saiya mismo.  Siring ki Jesús, kita man gusto i-transfigurar kan Dios, mga tawo, mga aki Niya.  Lugod dai kit ama-contento sa ok na yan, sige na lang, puede na yan.  Kun di hanggang kaya derecho kita sa karahayan.  Hanggang may hinangos kita gibohon niato an tama asin likayan an sala.  Hanggang makaka serbi kita sa Dios, gibohon niato.  Hanggang makakatabang kita saiba, gibohon niato.  Habo niato kan mediocrity, gusto niato excellence.  Habo niato ki razón na tawo lang, kun di isipon niato na kaya ta ta kita mga aki kan Dios.  Habo niato ki puede na yan, kun ki an hapot niato pirmi ano pa an puede pa gibohon para sa Dios asin para sa kapwa.  Amen.