Taon C Pagbonyag ki Jesu Cristo 13 Enero 2013 Parroquia de Santos Pedro y Pablo

Taon C Pagbonyag ki Jesu Cristo 13 Enero 2013 Parroquia de Santos Pedro y Pablo

          An Pagbonyag ni Juan invitación sa pagbakle sa kasalan asin paglinig kaini, preparación sa pagtanggap kan Mesías.  Ngonian na an Mesías na an nagpresentar kan Saiyang sadiri sa Tagapagpreparar, an bonyag ni Juan ginigibo na ngonian bilang bonyag ni Jesús.  Sarong pagkilala kan Dios Ama sa Saiyang Aking si Jesús asin sa paagi ni Jesús, sarong pagkilala sa satuya gabos bilang aki sa Aki, kitang mga binonyagan sa tubig, asin kalayo kan Espíritu Santo.

          Kan nakaagi na Martes an mga kapadian nagkaigwa ki sarong hapon sa pagpangadyi asin an samuyang naging guía iyo an Arzobispo Emérito kan Manila na si Cardinal Gaudencio Rosales.  Ipamibi niato siya na ngonian na nag-retiro na mas lalo naging dakul an saiyang servicio asin trabajo para Dios asin sa bilog na Simbahan Católica.  Ihiniras niya samong mga kapadian na an samo daa na ordenación sa pagkapadi sarong pag-selyo kan Kagurangnan sa samuya: kami ngonian sa Saiya.  Ang pari ay sa Dios.  Ikaw ay akin, wika ng Dios sa pari.  Digdi hale gabos an dignidad, privilegio, obligación asin trabajo kan padi.  Naisip ko na ining pag-selyo na ini, puedeng i-aplicar niato ngonian sa duwa pa na sacramento na totoong may pag-selyo man nanggad ta ining duwang sacramento dai na pig-uulit una vez na-celebrar na: an pagkumpil asin pagbonyag.  En total tulo an sacramento na may selyo, bonyag, kumpil asin pagpadi.

          Kan sadit pa ako nahiling ko una vez kun pan-o i-selyo an saro na baka kan pira na kalalakihan.  May ginagamit na selyo na himo sa metal asin pinapainit sa kalayo na tinatatak sa gilid kan baka mantang ini pigkakaputan kan nagkapirang kalalakihan.  Ini tanda na an baka propiedad ni Fulano o ni Fulana.  Sa bonyag ta, sineselyohan kita kan Dios Ama asin tinatakan an satong espíritu bilang aki kan Dios, kita propiedad kan Dios Ama.  Sa satuyang bonyag pinipili kita asin kinikilala bilang aki kan Dios.

          Kun satuyang tunay na naiintiendihan na ining pagbonyag sa satuya pagpili asin pagtatak sa satuya kan Dios bilang saiyang mga aki, satuyang maiintiendihan na bako lang ining pagbonyag pa-picture-picture o paghanda; bako lang fotografía nan dakula na cake.  An pag-ninong o pag-ninang bako lang pag-aabay sa picture o pag-regalo cuarta sa hijada o hijado pag Pasko kan Pagkabuhay.  Kitang mga magurang tunay na mag-aandam mas pa sa lado espiritual asin pag-uungudon niato an pag-seminar bako lang bilang requisito kun di bilang man ayuda sa preparación espiritual, lo mismo para sa mga ninong asin ninang na maski ngani kaipuhan mag-absent sa trabajo o mag-sacrificio kan diyo na horas maski ngani banggi na sa pag-seminar.  Pag-abot kan celebración kita bakong tarde kun di nasa horas asin preparado kita sa gabos na kaipuhan, mga candela, an gubing na puti, gabos niato inandam días antes pa an bonyag.  Sa cada hapot kan padi, makusog asin convencido an satuyang simbag, ta aram niato an mga ini, asin tunay na gigibohon niato ining mga promesa.  Asin tatandaan niato ining fecha asin i-co-considerar bilang día más importante que kan kita namundag sa kinaban, ta ngonian sa bonyag kita namundag sa langit.

          Dagdag pa kan ni Cardenal Rosales, na según sa katukdoan ni Sant Agustín, res clamat Domino, an bagay nagkukurahay sa saiyang kagsadiri.  Ako ay sa Dios, at wika ng Dios sa akin, ikaw ay akin.  Kaya ngani afectado ki maray an satuyang buhay una vez maintiendihan ta asin tunay na ma-apreciar an ka-importanciahan kan satuyang bonyag.  Ta kita mga aki kan Dios, siring sa pagpili asin pagkilala Niya sa satuya sa aldaw kan satuyang bonyag, kita maghihingoha aro-aldaw na mabuhay siring sa aki Niya.  Na bako niato Siya pasosopgan.  Na gigibohon niato gabos na kita maging orgullo Niya.  Ta ako Cristiano masunod ako sa Sampolong Tugon kan Kagurangnan.  Ta ako Cristiano maghihingoha ako sa karahayan maski na ano pa an pigsasabi kan iba, maski ano pa an pig-gigibo kan iba.  Ta ako Cristiano lilikayan ko an karatan maski gabos na kaini naggigibo asin maski na may kadificilan asin dakulang sacrificio minsan.  Ta aram ko na kun ano man an sakuyang ginigibo sa buhay mauntali sa sakuyang Dios Ama.  Iyo man baga sa pang-oroaldaw na buhay.  Pig-oomaw niato an sarong aki asin an saiyang ama asin ina.  Sinasabi niato, hilinga baya ining si Fulano o Fulana Junior aki ni Fulano o Fulana Senior, marhay na aki, marhay an ama asin an ina.  Lugod kita man arog man kaan an pagtaramon sa satuya.  Hilinga baya ining Cristiano, aki kan Dios, marhay na aki, marhay na Dios.  Amen.