Reflexión personal para la Epifanía 6 enero 2013

Reflexión personal para la Epifanía 6 enero 2013:

          Según el número 528 del Catecismo de la Iglesia Catolica, primeramente: Tulong mga misteryosong mga pangyayari an satuyang sineselebrar sa Epifanía kan Kagurangnan: an pagbisita, pag-omaw asin pag-regalo sa Omboy kan tolong mga mago hale sa Sirangan, an pag-Bonyag ki Jesus mismo asin an Kasal sa Caná kun saen ginibo ni Jesus sa kagustuhan man ni Maria na an tubig magin arak.  Sa paagi kan mga misterio na ini si Jesus nagpapakilala bilang Mesías kan Israel, Hijo de Dios, Aki kan Dios, Salvador del mundo, Paraligtas kan gabos.  Sinasabi kan mga experto na ining mga magong ini dai man nanggad mga hade kun di mga hombres de ciencia, mga experto, mga para-adal kan ciencia, kan gabos na yaon sa ibabaw kan kinaban, asin kan mga nahihiling sa panganoron hasta kan mga bitoon.  Sa pag-adal ninda, kaiba sa pag-adal kan mga profecía, convencido sinda na ining bitoon na saindang nahihiling nagtutukdo sa Paraligtas.

An pagdatong kan mga mago asin saindang pagbisita, pag-omaw asin pag-regalo sa Omboy nagsisimbolo kan pagkilala asin pag-ako kan katawohan, el mundo entero, sa Mesías na iyo si Jesús.  An tawo naghahanap nin Paraligtas asin uya finalmente sa satuyang atubang an Dios na nani-tawo para ibalik an tawo sa Dios.  An bitoon ni David iyo an nag-guía sa sainda pasiring sa Omboy na Tagapagligtas.  Kaya kan tawo na makilala an Dios pero an Dios mismo an nagpakilala sa satuya kan Saiyang Sadiri en modo definitivo sa panini-tawo ni Jesus, Dios Aki.  Ini para más cierto an satuyang pagkikilanlan sa Saiya, daing duda, asin maharayo kita sa mga salang mga doctrina kan mga manlaenlaen na falso profeta.

An pagdatong kan mga mago sa Bethlehem sa Israel nagpapahiling na an Lumang Tipan mag-aagi asin conectado ki maray sa Bag-ong Tipan.  Na an mga Cristiano hale sa mga Judío, sinda, sosog sa mga tataramon ni Beato Papa Juan Pablo II, satuyang mga matuang mga tugang sa pagtubod.  Na an Dios sa Saiyang marahay na plano ginibo na padiit-diit makilala kan tawo an Dios sa paagi kan gabos na Saiyang mga katabang sa daga.

Minamawot kan Dios makakilala kan gabos na katawohan an Saiyang Aki si Jesu Cristo.  Makilala Siya asin mamot-an.  Mamot-an asin sunudon sa pang-aro-aldaw na buhay.  Hanggang sa gabos na katawohan makabalik sa Harong kan Ama sa langit.  Iyo ini finalmente an boot sabihon kan Epifanía, pagpakilala ni Jesús sa tawo para makilala kan tawo an Dios.  Kaya ngani baga sa Tradición kan Simbahan kaito pa sagkod ngonian yaon na asin tunay na ginagalangan an mga misioneros asin misioneras na nagkawararak sa bilog na kinaban.  Ta sinda an mga enot na nagpapakilala ki Jesus sa gabos na bako pa nakakakilala sa Paraligtas.

Lugod kita ngonian mga Cristiano Catolico kan 2013 mag-contribuir asin mag-participar sa pagpakilala sa Dios sa bilog na mundo, poon kun saen kita, sa satuyang familia, sa satuyang trabajo, sa escuela, sa bilog na kinaban.  An satuyang simple lamang na pagiging Cristiano Catolico sa satuyang aro-aldaw na buhay, dakulaon na an consecuencia kaini.  Maski ngani di niato mahiling an resulta, di niato mamatean an resulta, dakulaon na asin dakulon na an nagiginibohan kan satuyang simpleng pagiging tunay na parasunod ni Cristo.  An pagsunod sana kan Sampolong Tugon, puede na niato maiba an palakaw kan mundo.

Kun ika sarong ama o ina, presente ka sa saimong familia – sa saindang mga kaogmahan asin mga problema, naghihingoha ka na matukdoan an saimong mga aki kan mga bagay-bagay na diosnon, naghihingoha ka na sinda madisiplina, naghihingoha kita na sinda magin marhay na ciudadano asin Cristiano, entonces maiiba ta para sa karahayan an saindang buhay pues maiiba ta para sa karahayan, padiitdiit, an bilog na mundo.

Ika doctor?  Ika maestro o maestra?  Ika empleado o empleada?  Sa saimong paghingoha na magin nasa tama na horas sa pag-trabajo, sa saimong paghingoha na magin mahuyo asin paciencioso asin pacienciosa sa pag-servicio sa iba, sa saimong pagigin honesto, sa saimong paghingoha na gibohon sa tama an saimong trabajo, dakulaon na asin dakulon na an satuyang magiginibuhan.

Para maipakilala niato an Kagurangnan sa satuyang kapwa, dai kaipuhan maggibo kan kun anano na mga bagay-bagay, marhay man kun kaya niato ining mga dakulang mga bagay, pero pwedeng-pwede kita magpoon sa satuyang mga situación ngonian.  Ponan na niato ngonian mismo an pagpakilala sa Dios sa satuyang familia, sa escuela asin sa trabajo, asin sa bilog na comunidad kun saen kita.  Amen.