Sixth Sunday of Easter Year B

Sunday, May 13, 2012

Gibo 10:25-48 25Kan malaog na sa harong si Pedro, sinabat siya ni Cornelio, saka duminapa ini sa pamitisan ni pedro sa pagsamba saiya.  26Alagad pinatindog siya ni Pedro dangan sinabihan, « Tumindog ka ; tawo man ako arog saimo.”  27Padagos na nagtaram si Pedro ki Cornelio kan palaog na sinda sa harong; duman naabotan niya an dakol na tawo.  28Nagsabi siya sainda, “Aram nindong dai tugot sa sarong Judio na magdalaw o makiiba sa pagano.  Alagadipinahayag sako nin Dios na dai ko ibilang na maati o bakong maninigong pakiibahan an siisay man.  29Kaya kan pasugoan nindo ako, dai ako nagsayumang magdigdi.  Boot kong maaraman kun tadaw ta ipinakua nindo ako.”  ¶30Nagsabi si Cornelio, “Tolo pa sang aldaw an nakalihis, mga arog kaining oras, namimibi ako sa laog kan sakong harong kan bigla sanang ngatindog sa atubangan ko an sarong lalaking nakagubing nin makintab, 31na nagsabi, ‘Cornelio!  Dinagog nin Dios an saimong pamibi; ikinaogma niya an mga paglimos mo.  32Ipakua mo sa Jope an sarong tawo na an ngaran Simon Pedro.  Nakikisakat siya ki Simon na parabalad nin anit, na an harong nasa tampi kan dagat.’  33Kaya pinasugoan taka.  Salamat ta nagdigdi ka.  Ngunyan uya kami gabos sa atubang nin Dios sa pagdangog kan gabos naipinaboot saimo nin Dios na isabi samo.”  ¶34Nagtaram si Pedro, “Ngunyan ko napatunayan na mayong pinapalaen an Dios, 35kundi inaako niya an may pagkatakot saiya asin naggigibo nin matanos maski taga saen siyang nasyon.  36Aram nindo an mensahe na ipinadara niya sa mga Israelita, na ipinapahayag an Marahay na Bareta nin katoninongan sa paagi ni Jesu-Cristo, na Kagurangnan nin gabos na tawo.  37Arma man nindo kun paano itinao nin Dios ki Jesus na taga Nazret an Espiritu Santo asin an kapangyarihan.  Naglibot siya sag abos na lugar, naggigibo nin marahay saka nagbobolong kan gabos na nasa irarom kan kapangyarihan kan Diablo, huli ta an Dios yaon saiya.  39Mga saksi kami kan gabos na ginibo niya sa bilog na Judea asin sa Jerusalem.  Ginadan ninda siya kan ipako siya sa krus.  40Alagad sa ikatolong aldaw binuhay siya liwat nin Dios.  Ipinahiling siya, 41bako sa gabos na tawo, kundi samo sana na pinili nin Dios na magin saksi.  Nagkakan saka nag-inom kami sa kaibahan niya pakatapos na mabuhay liwat.  42Pinagbotan niya kami na maghulit kan ebanghelyo sa mga tawo asin magpatotoo na siya an ginibo nin Dio s na magin hukom kan mga buhay asin kan mga gada.  43An gabos na propeta napatototo dapit ki Jesus, na an siisay man na minatubod saiya papatawadon kan mga kasalan huli sa ngaran niya.”  ¶44Mantang nagtataram pa si Pedro, an Espiritu Santo naghilig sa gabos na naghihinanyog kan saiyang mensahe.  45An mga Judiong paratubod na nag-iba ki Pedro hale sa Jope nagngalas, huli ta an balaog nin Espiritu Santo itinao man nin Dios sa mga pagano.  46Nadangog nindang nagtataram an mga ini nin manlaen-laen na lengwahe dangan nag-oomaw kan kadakulaan nin Dios.  Nagtaram si Pedro, 47”Kun an mga tawong ini nag-ako kan Espiritu Santo arog sato, may makakaolang pa dawn a mabunyaga sinda sa tubig?”  48Kaya pinagbotan niya sinda na magpabunyag sa ngaran ni Jesu-Cristo.  Dangan nakiolay sinda ki Pedro na mag-ontok ngona sa kaibahan ninda nin nagkapirang aldaw pa.  Salmo 98:1-4 Mag-awit nin bagong awit sa Kagurangnan, huli ta guminibo siya nin mga ngangalasan !  Sa sadiri niyang kapangyarihan asin banal na kosog nakamtan niya an kapangganahan.  2Ipinahayag nin Kagurangnan an saiyang kapangganahan ; ipinahiling niya sa mga nasyon an saiyang kapangyarihan sa pagligtas.  3Naromdoman niya an danay niyang pagkamoot asin pagkamaimbod sa harong ni Israel.  Nahiling kan gabos na poro kan daga an kapangganahan kan satuyang Dios.  4Gabos na daga maogmang magkurahaw sa Kagurangnan; omawon siya sa mga awit asin sa mga kurahaw nin kaogmahan!  1 Juan 4:7-10 7Mga tugang, magkaminorootan kita, huli ta an pagkamoot hale sa Dios.  An siisay man na namomoot, aki nin Dios asin nakakamidbid sa Dios,  8An tawong dai namomoot, dai nakakamidbid sa Dios, huli ta an Dios pagkamoot.  9Ipinahiling sato nin Dios an saiyang pagkamoot kan sugoon niya sa kinaban an bugtong niyang Aki, tanganing sa paagi niya magkaigwa kita nin buhay.  10An pagkamoot arog kaini: bakong kita an namoot sa Dios, kundi siya an namoot sato dangan sinugo niya an saiyang Aki tanganing sa paagi niya mapatawad an satong mga kasalan.  Juan 15:9-17 9Namomotan ko kamo siring kan pagkamoot sako kan Ama ko; magdanay kamo sa pagkamoot ko.  10Kun kinukuyog nindo an sakong mga togon, magdadanay kamo sa pagkamoot ko, siring na kinukuyog ko an mga togon kan sakong Ama asin nagdadanay ako sa saiyang pagkamoot.  ¶11”Sinasabi ko saindo an mga bagay na ini tanganing mapasaindo an kagomahan ko asin magsupay an saindong kaogmahan.  12An togon ko iyo ini: magkaminootan kamo arog kan pagkamoot ko saindo.  13Mayo nin pagkamoot na mas dakula pa ki sa pagkamoot nin sarong tawo na minadusay kan saiyang buhay para sa mga katood niya.  14Mga katood ko kamo kun gibohon nindo an mga ipinagboboot ko saindo.  15Dai ko na kamo aapodon na mga sorogoon, huli ta an sorogoon dai nakakaaram kan ginigibo kan saiyang kagurangnan.  Aapodon ko kamong mga katoood, huli ta sinabi ko saindo an gabos kong nadangog sa sakong Ama.  16Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan.  Huli kaini, itatao saindo kan Ama an anoman na hagadon nindo saiya sa ngaran ko.  17Kaya an togon ko saindo iyo ini: magkaminorootan kamo.

Mga paghorop-horop:

14Mga katood ko kamo kun gibohon nindo an mga ipinagboboot ko saindo.  17Kaya an togon ko saindo iyo ini: magkaminorootan kamo.  Kilala an Pilipinas bilang isad sa duwa lang na mga naciones catolicas digdi sa Asia, kaiba an Timor Est, dating parte kan Indonesia.  An mga Pilipino mga Catolico.  Mga Cristiano na nagsusunod kay Cristo.  Pero kun dadangogon ta an sinasabi ni Cristo niyan na Domingo, ika-anom na Domingo kan Pagkabuhay-liwat bagan lain ta matatawag an sadiri ta na mga Cristianos.  Bagan mabagsak kita sa exam kan pagiging mga tagasunod ni Cristo.  Sabi ni Jesu Cristo : 14Mga katood ko kamo kun gibohon nindo an mga ipinagboboot ko saindo.  17Kaya an togon ko saindo iyo ini: magkaminorootan kamo.  Pero mag-kita ka sa satuyang mga tv stations, magdangog sa mga radio stations, magbasa sa mga diarios : ano an yaon dyan ?  Lain man pagkamoot kundi pagkaongis sa kapwa.  Magluwas kita sa satong mga harong asin mangalagkalag kita sa satong ciudad, sa banwa, sa barangay : ano an mahihiling dyan ? Lain mga magmaranghod na nagtinarabangtabangan kundi mga magkairiwal, mga lain nag-iiristoryahan, mga lain ngani nagkikiritaan sa mata.  Maski dyan na sana kita sa satong harong : pira sa sato ngunyan didi an may problema sa harong ta bako man nagmiminorootan, kundi yaon an pagkaongis.  Lain ta man ginagabos pero di ta manenegaran na dakulun an arog kaini na situacion.  Mga Pilipino kita, mga Cristiano Catolico nagsusunod ki Cristo asin sinasabi Niya satuya ngunyan na Domingo : 14Mga katood ko kamo kun gibohon nindo an mga ipinagboboot ko saindo.  17Kaya an togon ko saindo iyo ini: magkaminorootan kamo.  An revolución kan pagkamoot bako magpopoon sa taas: sa presidente asin mga senadores asin congresistas – magpopoon yan sa satuya.  Ako ang simula.  Tayo ang simula.  Hale sa baba pasiring sa itaas, ibahon ta an sistema kan sociedad ngunyan.  Kontrahon ta an uso, magsiway kita sa nakasanayan, dagusuun ta an agos – lain pagkaongis kun di pagkamoot.

12An togon ko iyo ini: magkaminootan kamo arog kan pagkamoot ko saindo.  Makaka-alo, makakaraw-ay, makakasupog an mga nahihiling ta sa tv nacional ngunyan sana na mga nakaagi na aldaw.  Sarong gurang na journalist asin mga artista, lalaki asin babayi, na nagbobogbogan.  Di na kita mag-intra sa kun sin-o an tama nan may sala.  Pero tunay na makakadismaya sinda kun arog sinda kaiyan.  Para bagan nagsasabi kita sa buong mundo kay sa Naia terminal pa man din: Welcome to the Philippines Catholic country in Asia!  Below that: beware of pickpockets: below that: look at our public figures, punching and shouting at each other.  Dagdagan ta pa: ngunyan balita na nagdedemandahan pa sinda sa corte.  Nakakahiya!  Saen dyan an pagiging Pilipino ta, an pagiging Cristiano Catolico ta?  Saen dyan an paciencia, an pagsinarabotan, an pag-intiendi, an pagpatawad, an paglimot, an pagkamoot?  Zero, nada, wara dyan!  Mga public figures pa naman sinda mga ejemplo satuya gustuhun ta man o hindi ta nahihiling asin nadadangog ta sinda.  Sinda mga ejemplo sa sociedad gustuhun man ninda o hindi ta yaon sinda sa public attention bilang mga public figures.  Puede kita magsabi : pero father madali saimo sabihun yan kay wara ka man sa situacion.  Wara ka man sa heat of the moment.  Tama, madali sabihun ta di man talaga kita dyan emotionally involved.  Pero ano ngunyan, di na kita maisip, mapadara na lang kita sa emoción, sa situacion, sa heat of the moment.  Well kun arog kita kaiyan bako lang na nalimot na kita na mga Pilipino kita, o na mga Cristiano kita.  Kun arog kaiyan, nalimutan ta na na tawo kita.  An mga hayop arog kaiyan, di nag-iisip, banat lang kan banat.  Ang aso at ang pusa ganyan, pero tayo tao, hindi tayo ganyan.  12An togon ko iyo ini: magkaminootan kamo arog kan pagkamoot ko saindo.  Lugod ining mga nangyayari ngunyan tukdoan kita kan lección na lain dapat arog sana: sa satuyang mga kabatitan na nakakita kaiyan mga magurang tabi man talagang parental guidance ano po, paki-explicar na lain arog sana an pagiging tawo.  Kita mga Pilipino, we are better than that, ta kita man mga Cristiano Catolico, tagasunod ni Cristo, kay Cristo na namoot sa satuya hanggang sa itao Niya an Buhay Niya para sa sato.

Ngunyan na Domingo, ika-anom na Domingo kan Pagkabuhay-liwat ni Jesu-Cristo Kagurangnan niato iyo man an celebracion kan Aldaw nin mga Ina.  En modo especial ginigiromdom kan mundo an mga kababayihan na mga ina, en una maniera o una otra.  Satuyang ipamibi sinday ngunyan sa Santa Misa.  Satuya sinda ngunyan pahalagahan sa pagbisita sainda sain man sinda ngunyan.  Pagregalo siguro maski ano pa man.  Kun dai man yaon an pagtext o pagtawag sainda na maaraman ninda na orog niato sindang namomotan.  Sabi baga sa ika-apat na tugod kan Kagurangnan, pagtawan mo nin honra an saimong mga magurang, ama asin ina.  Si Jesus mismo dakulaon na honra an itinao sa siyang Mahal na Ina, ina man niato, ta kan ini namatay, hawak asin kalag dinara Niya sa langit para makaiba Niya sagkod pa man.  Sa mga ina, salamatunon po saindo.  Sa mga aki, galangon, pahalagan asin atamanun ta an satuyang mga ina.